"Barselona" 2025/2026 mövsümü üçün üçüncü formasını təqdim edib - FOTO

"Barselona" klubu 2025/2026 mövsümü üçün Nike ilə əməkdaşlıqda hazırlanan üçüncü formasını təqdim edib.

90deqiqe.Az-ın məlumatına görə, formanın əsas rəngi olan parlaq narıncı (mango) tonları, 2009-cu ilin dekabrında keçirilən Klub Dünya Çempionatı finalında "Barselona"nın geyindiyi o zamankı narıncı rəngli formada ilham alınıb.

"Barselona"nın 2025/2026 mövsümünə aid üçüncü forması qalibiyyətin simvolu kimi dizayn edilib. Yüksək enerjili mango rəngi, 2009-cu ildəki tarixə imza atmış altıqatlı çempionluğun zirvəsini təmsil edir və komandanın oyun üslubunu, futbol dünyasında silinməz iz buraxan bir dövrü simvolizə edir", — deyə klubun rəsmi saytında yayımlanan məlumatda bildirilir.

Qeyd edək ki, La Liqanın 1-ci turunda "Barselona" "Malyorka"ya qarşı inamlı 3:0 hesabı ilə qələbə qazanıb.