“Barselona”nın “Kamp Nou”ya qayıdışı təxirə salındı

“Barselona”nın yenilənmiş “Kamp Nou” stadionuna dönüşü bir qədər də gecikəcək.

90deqiqe.Az-ın "Mundo Deportivo"ya istinadən məlumatına görə, Hans-Diter Flikin komandası yeni mövsümdə ilk ev oyununu böyük ehtimalla “Yohan Kroyf” stadionunda keçirəcək.

Cəmi 6 min azarkeş tutumuna malik arena “Barselona” ilə “Valensiya” arasında sentyabrın 13-ü və ya 14-də baş tutacaq görüşə ev sahibliyi edə bilər.

Kataloniya klubu qarşılaşmanın burada keçirilməsi üçün yaxın vaxtlarda La Liqaya rəsmi müraciət etməlidir. Daha sonra liqa komissiyası stadionun əsas tələblərə – təhlükəsizlik, infrastruktur və VAR sisteminin işlək vəziyyətdə olmasına cavab verib-vermədiyini yoxlayacaq.