“Barselona”nın yarımmüdafiəçisi sıradan çıxıb

“Barselona”nın yarımmüdafiəçisi Frenki de Yonq Niderland millisinin düşərgəsini zədəyə görə tərk edib.

90deqiqe.Az-ın “Marca”ya istinadən yaydığı məlumata görə, futbolçunun sağ ayaqla bağlı ciddi problemi olmasa da, qluteal əzələsində yüngül narahatlıq müşahidə olunur. 

Mənbənin məlumatına görə, futbolçu sentyabrın 8-də Barselonada əlavə tibbi müayinədən keçəcək. Yoxlama onun sentyabrın 14-də La Liqanın 4-cü turunda “Valensiya”ya qarşı görüşdə iştirak edib-etməyəcəyini müəyyənləşdirəcək.

Niderland millisinin həkimlərinin ilkin müayinəsi göstərib ki, zədə ciddi xarakter daşımır.

Qeyd edək ki, de Yonq cari mövsümdə La Liqada iki oyunda iştirak edib. Onun “Barselona” ilə müqaviləsi 2026-cı ilin yayına qədər qüvvədədir. Transfermarkt portalının məlumatına əsasən, futbolçunun bazar dəyəri 45 milyon avro təşkil edir.