“Komandada musiqini əsasən Kamavinqa, Vinisius və Tçuameni seçir”

Madrid “Real”ının hücumçusu Kilian Mbappe komandanın paltardəyişmə otağında hansı futbolçuların musiqi seçdiyini açıqlayıb.

90deqiqe.Az-ın məlumatına görə, "Bild" fransalı futbolçunun dediklərini belə çatdırıb. 

“Bu, müxtəlif olur. Əsasən Eduardo Kamavinqa musiqini seçir, amma son oyunda bunu Vini (Vinisius Junior) etdi. Bəzən isə Auriliyen Tçuameni musiqi qoşur. Vini yaxşı müğənnidir, mənim də oxumaq xoşuma gəlir”.

Xatırladaq ki, “Real” La Liqada üç turdan sonra maksimum nəticə göstərərək – 9 xalla turnir cədvəlinə başçılıq edir. Xabi Alonsonun komandası növbəti oyunu sentyabrın 13-də səfərdə “Real Sosyedad”a qarşı keçirəcək.