İspaniya klubu FIFA ilə bürokratik mübarizəyə başlayıb

İspaniyanın “Badaxos” klubu FIFA-nın qərarına qarşı çıxıb.

90deqiqe.Az-ın məlumatına görə, mövsüm öncəsi federasiya klub üzərinə ciddi sanksiyalar tətbiq edib: yeni oyunçuları qeydiyyatdan keçirmək qadağan olunub, klub cəza xalları ilə cəzalandırılıb və Premyer Liqanın ilk turundan kənarlaşdırılıb.

Bu vəziyyət yalnız əsas komanda üçün deyil, həm də klubun bütün strukturu, o cümlədən 500-ə qədər gənc futbolçu üçün gərginlik yaradıb.

Klub prezidenti Xavier Pena bildirib ki, hazırda mübarizə sənəd məsələləri çərçivəsində davam edir:

“Biz tələb olunan bütün sənədləri təqdim etmişik ki, bütün bu nəticələrin qarşısını alaq”

Qeyd edək ki, “Badaxos” İspaniyanın üçüncü ən güclü liqasında çıxış edir.