İspaniya 2-ci liqasında 4-cü turun oyunları keçirilir.
Corner.az xəbər verir ki, millimizin yarımmüdafiəçisi Eddi İsrafilovun bu yay transfer olunduğu “Albasete” də növbəti oyununa çıxıb.
Sözügedən kollektiv səfərdə “Deportivo” ilə üz-üzə gəlib. Futbolçumuzun komandası bu oyundan qələbə ilə ayrılıb – 1:0.
İsrafilov da bu oyunun iştirakçısı olub. O, 64-cü dəqiqədə meydana çıxmaqla yeni komandasında debüt edib.
Qeyd edək ki, “Albasete” hazırda 6 xalla 8-ci pillədə qərarlaşıb.
