Vinisius Junior “Qızıl top–2025”də 16-cı oldu - FOTO

“Real Madrid”in braziliyalı hücumçusu Vinisius Junior “Qızıl top–2025” mükafatının səsverməsində 16-cı yeri tutub.

90deqiqe.Az-ın məlumatına görə, bu barədə mükafatın rəsmi sosial şəbəkə hesabında məlumat verilib.

16–20-ci yerlər belə müəyyənləşib:

• 16. Vinisius Junior (“Real Madrid”, Braziliya millisi)

• 17. Robert Levandovski (“Barselona”, Polşa millisi)

• 18. Skott Maktominey (“Napoli”, Şotlandiya millisi)

• 19. Joau Neveş (PSJ, Portuqaliya millisi)

• 20. Lautaro Martines (“İnter”, Argentina millisi)

Xatırladaq ki, ötən mövsümün yekunlarına əsasən təqdim ediləcək “Qızıl top” mükafatının rəsmi təqdimat mərasimi bu gün, 22 sentyabrda Parisdəki “Şatle” teatrında keçiriləcək. Tədbir Bakı vaxtı ilə saat 23:00-da başlayacaq.

Ötən il bu nüfuzlu mükafat “Mançester Siti”nin yarımmüdafiəçisi Rodriyə qismət olmuşdu.