“Barselona” onu 3 həftəlik itirdi

“Barselona”nın hücumçusu Rafinya zədələnərək komandanın tibbi müayinəsinə yönəldilib.

90deqiqe.Az-ın məlumatına görə, braziliyalı futbolçu İspaniya çempionatının “Real Ovyedo” ilə səfər oyununda cümə axşamı meydana çıxsa da, zədəsinə görə əvəzlənib.

Klubun açıqlamasında bildirilir ki, Rafinyanın sağ budunun ikibaşlı əzələsində zədələnmə aşkarlanıb və onun bərpa müddətinin təxminən üç həftə olacağı gözlənilir. Beləliklə, futbolçu millətlərarası fasilədən sonra komandaya qayıdacaq.

Rafinyasız “Barselona” aşağıdakı oyunlara çıxacaq:

• 28 sentyabr – “Real Sosyedad” (La Liqa)

• 1 oktyabr – “PSJ” (Çempionlar Liqası)

• 5 oktyabr – “Sevilya” (La Liqa)

Qeyd edək ki, əvvəllər Lamin Yamal ümumi məşqlərə qayıtdığı açıqlanmışdı.