“Barselona”nın zədəlisindən şad xəbər

“Barselona”nın gənc hücumçusu Lamin Yamal zədəsini arxada qoyaraq komandanın heyətinə dönüb.

90deqiqe.Az-ın məlumatına görə, 18 yaşlı futbolçu İspaniya La Liqasının 7-ci turunda bu gün keçiriləcək “Real Sosyedad”la oyunun iştirak ərizəsinə daxil edilib.

Bu barədə klubun mətbuat xidməti sosial şəbəkə hesabında məlumat yayıb.

Xatırladaq ki, sentyabrın 13-də kataloniya təmsilçisi Yamala qasıq nahiyəsində diskomfort diaqnozu qoyulduğunu açıqlamışdı.

Gənc vinger cari mövsümdə La Liqada 3 matçda meydana çıxıb, 2 qol və 3 məhsuldar ötürmə ilə yadda qalıb. Onun “Barselona” ilə mövcud müqaviləsi 2031-ci ilin yayına qədər qüvvədədir. Transfermarkt portalının məlumatına əsasən, futbolçunun bazar dəyəri 200 milyon avro təşkil edir.