“Valensiya” – “Real Ovyedo” oyunu pis hava şəraiti səbəbindən təxirə salındı

İspaniya La Liqasının 7-ci turu çərçivəsində “Valensiya” və “Real Ovyedo” komandaları arasında keçiriləcək oyun pis hava şəraiti səbəbindən ertələnib.

90deqiqe.Az-ın məlumatına görə, bu barədə “yarasalar” klubunun mətbuat xidməti məlumat yayıb.

Məlumata görə, La Liqa rəsmiləri “Valensiya” rəhbərliyinə görüşün təxirə salındığını və əvvəlcədən planlaşdırılan bazar ertəsi günü yerinə, matçın çərşənbə axşamı keçiriləcəyini bildiriblər. Oyunların təxirə salınmasının əsas səbəbi Valensiyada güclü yağışların gözlənilməsi və mümkün daşqın ehtimalıdır.

Yeni tarixə əsasən, “Valensiya” – “Real Ovyedo” matçı 30 sentyabrda keçiriləcək və oyun Bakı vaxtı ilə saat 22:00-da başlayacaq.