“Valensiya” "Netflix"ə qarşı məhkəmə iddiası qaldırdı

İspaniyanın “Valensiya” klubu "Real Madrid"in hücumçusu Vinisius Junior haqqında çəkilmiş sənədli film səbəbindən "Netflix"ə qarşı hüquqi addım atmağa qərar verib.

90deqiqe.Az-ın "Marca"ya istinadən məlumatına görə, klub rəhbərliyinin fikrincə, filmdə “Valensiya” mənfi və təhqiredici formada göstərilib. Məsələ braziliyalının klubun azarkeşləri ilə yaşadığı konfliktlə bağlıdır.

Klubun narazılığı tək deyil – valensiyalı JUPOL sindikatı da iddialara qoşulub.

Qeyd edək ki, altı turun sonunda “Valensiya” İspaniya çempionatının turnir cədvəlində 12-ci pillədə qərarlaşıb. Bu gün klub sınaq oyununda “Ovyedo” ilə qarşılaşacaq.