"Futbolçu olmağı təsəvvür etmək mənim üçün çətin idi"

“Betis”in hücumçusu Antoni uşaqlığında yaşadığı çətinlikləri xatırlayıb.

90deqiqe.Az-ın "Onda Cero"ya istinadən məlumatına görə, braziliyalı futbolçu bildirib ki, ailəsi çox kasıb olub və o valideynlərinə söz verib ki, ailənin maddi vəziyyətini yaxşılaşdıracaq, bu da onu məşqlərə həvəsləndirib.

“Əvvəl futbolçu olacağımı təsəvvür etmək çətin idi, çünki bu yalnız əyləncə idi, amma zaman keçdikcə xəyallar böyüdü. Əsas məqsədim ailəmi faveladan çıxarmaq idi”

Qeyd edək ki, bu yay Antoni “Betis”lə beş illik müqavilə imzalayıb. Daha əvvəl o, "Mançester Yunayted"in oyunçusu olaraq Sevilya klubunda icarədə çıxış edirdi. Cari mövsümdə o, 30 oyunda 10 qol vurub və 6 məhsuldar ötürmə edib.