“Hazırda bütün diqqətim “Atletiko”dadır"

“Atletiko” komandasının hücumçusu Xulian Alvares potensial transfer xəbərlərinə münasibət bildirib.

90deqiqe.Az xəbər verir ki, "ESPN" argentinalı futbolçunun dediklərini belə çatdırıb.

“Hazırda bütün fikirlərim “Atletiko” üzərindədir. Bu komandada oynamağa və inkişaf etməyə davam etmək istəyirəm. Mətbuatda yayılan bütün söz-söhbətlər məni maraqlandırmır.”

Əvvəllər KİV-lərdə iddia olunurdu ki, “Barselona” argentinalı hücumçunu Robert Levandovskinin yerinə transfer etməyi planlaşdırır.

Xulian Alvaresin bazar dəyəri 100 milyon avro qiymətləndirilir və onun mövcud müqaviləsi 2030-cu ilin ortalarına qədər etibarlıdır.