“Məğlubiyyəti qəbul edib irəliləməliyik”

“Barselona”nın baş məşqçisi Hans-Diter Flik İspaniya La Liqasının VIII turunda “Sevilya”ya 1:4 hesabı ilə uduzduqları matç barədə fikirlərini bölüşüb.

90deqiqe.Az xəbər verir ki, alman mütəxəssis bu barədə jurnalistlərə açıqlama verib.

“Bu məğlubiyyəti qəbul etməli və ondan müsbət tərəfi görməliyik. İlk yarıda çox səhv etdik, amma ikinci hissədə reaksiya göstərdik. Oktyabrda milli komandalar üçün verilən fasilə bizə fayda gətirəcək. Futbolçular qayıtdıqdan sonra onların ən yaxşı formasına dönmələrinə kömək etmək üçün çox çalışacağıq.

Biz inanılmaz klub üçün oynayırıq və azarkeşlərimiz bu məğlubiyyətdən məyusdur, amma bunu qəbul edib irəliləməliyik. İlk yarı uğursuz oldu – rəqib təkbətək çox aqressiv oynayırdı və biz həll tapa bilmədik. İkinci yarı daha yaxşı idi, amma “Sevilya” daha çox qol vurdu. Bu məğlubiyyətdən sonra birlikdə qalmaq vacibdir. Biz yaxşı komandayıq və fasilədən sonra hər titul üçün mübarizə aparacağıq.”

Hazırda “Sevilya” La Liqada 8 oyundan sonra 13 xalla 5-ci, “Barselona” isə 19 xalla 2-ci pillədə qərarlaşıb. Turnir cədvəlində liderlik 21 xalla “Real Madrid”in əlindədir.