“Digər klublardan təkliflər həmişə var, amma..."

“Real”ın hücumçusu Rodriqo transfer maraqları ilə bağlı danışıb və bildirib ki, digər klublardan həqiqətən təklifləri mövcuddur. 

90deqiqe.Az xəbər verir ki, "AS" braziliyalı futbolçunun dediklərini belə çatdırıb.

“Hər yay eyni şey təkrar olunur – mənim getməyimlə bağlı söz-söhbətlər çıxır: gedəcəm ya yox, təklifim varmı… Yazılanlara baxsaq, hər həftə yeni komandada görünürəm. Yalan danışmayacağam – həmişə təkliflər olur. Amma mən həmişə burada uğur qazanmaq istəyirdim. Daha da böyük uğurlar əldə etmək niyyətindəyəm. Mənim yaşımda Çempionlar Liqasını iki dəfə qazanmaq ciddi nəticədir, amma mən hələ də kuboklar qazanmaq istəyirəm”

24 yaşlı futbolçu əlavə edib ki, “Real”dan yalnız klub özü onu başqa komanda tapmağa göndərsə ayrılacaq.