“O, mənə ilham verdi”

“Barselona”nın sabiq hücumçusu David Villa keçmiş “Real Madrid” baş məşqçisi Joze Mourinyonun ona ünvanladığı sözləri xatırlayıb.

90deqiqe.Az xəbər verir ki, "Barca Universal" 43 yaşlı sabiq futbolçunun fikirlərini belə çatdırıb:

“Mourinyo demişdi ki, ‘Barselona’ çox pul xərcləyib, amma hücumçu qol vura bilmir. Mən bunu çox bəyəndim. Bu mənə ilham verdi və həmin oyunda ‘Real’a qarşı iki qol vurdum. O görüş 5:0 hesabı ilə bitdi və o gecəni unutmaq mümkün deyil.”

David Villa “Barselona”da 2010–2013-cü illərdə çıxış edib. O, “Valensiya”dan 40 milyon avro qarşılığında transfer olunmuşdu. Klubun heyətində 119 matça çıxan Villa 48 qol vurub və 24 məhsuldar ötürmə edib.