Lionel Messinin “Barselona”dakı debütündən 21 il keçir

Tam 21 il əvvəl, 16 oktyabr 2004-cü ildə Lionel Messi “Barselona”nın əsas komandasında ilk rəsmi oyununa çıxıb.

90deqiqe.Az xəbər verir ki, argentinli ulduz İspaniya çempionatında “Espanyol”a qarşı keçirilən matçda debüt edib. O, 82-ci dəqiqədə hazırda “Barselona”nın idman direktoru vəzifəsini icra edən Dekunu əvəzləyib.

Həmin derbi matçında “Barselona” Dekunun vurduğu qolla 1:0 hesablı qələbə qazanıb.

Messi 2021-ci ilin yayına qədər “Barselona”da oynayıb, lakin klubun maliyyə problemləri səbəbindən ona yeni müqavilə təklif edə bilməyib.

Daha sonra Messi iki mövsüm “PSJ”də keçirib, hazırda isə ABŞ-nin “İnter Mayami” klubunda çıxış edir. Lionel Messi səkkiz dəfə “Qızıl top” mükafatının sahibi olub.