De Yonq “Barselona”da qalır

“Barselona” klubu yarımmüdafiəçisi Frenki de Yonqla əmək müqaviləsini uzadıb.

90deqiqe.Az-ın məlumatına görə, bu barədə klub rəsmi saytında məlumat yayıb. Yeni sözləşməyə əsasən niderlandlı futbolçu 2029-cu ilə qədər Kataloniya təmsilçisinin uğurları üçün çalışacaq.

28 yaşlı futbolçu 2019-cu ildə Amsterdamın “Ayaks” klubundan “Barselona”ya keçib. O, bu müddətdə İspaniya çempionatında 183 matç keçirib, 14 qol vurub və 16 məhsuldar ötürmə verib. De Yonq “Barselona” ilə iki dəfə La Liqa çempionluğunu, həmçinin İspaniya Kuboku və Superkubokunu qazanıb. Ötən mövsümdə yarımmüdafiəçi bütün turnirlərdə 46 oyunda iştirak edib, 2 qol və 2 asistlə yadda qalıb.