"Barselona" "Kamp Nou" stadionunda oyun keçirməyə icazə aldı

"Barselona" klubu "Kamp Nou" stadionunun ilkin istifadə lisenziyasını əldə edib.

90deqiqe.Az-ın məlumatına görə, bu barədə klub rəsmi saytında məlumat yayıb.

Bu lisenziya ilə stadionda 25,991 azarkeşin iştirakı ilə oyunlar keçirilə bilər. Klub hazırda növbəti mərhələyə keçmək üçün çalışır ki, stadionda 45,401 nəfərin iştirakına şərait yaransın. Yalnız bu lisenziyanın əldə olunmasından sonra "Barselona" öz doğma stadionuna qayıdacaq.

İndiki vaxtda "Barselona" oyunlarını Olimpiya Stadionunda keçirir. La Liqada ikinci yeri tutan "sine-qranatlılar", "Real"dan 2 xal geri qalır. Şənbə günü "Barselona" "Jirona" ilə qarşılaşacaq.