Simeone ABŞ-da “Vilyarreal” – “Barselona” matçına münasibət bildirib

Madrid “Atletiko”sunun baş məşqçisi Dieqo Simeone La Liqanın “Vilyarreal” – “Barselona” oyununu ABŞ-da keçirmək planlarını şərh edib.

90deqiqe.Az xəbər verir ki, argentinalı çalışdırıcı bu barədə jurnalistlərə açıqlama verib.

“Vilyarreal" – "Barselona" matçı ABŞ-da? Bu barədə şərh verməyəcəm. Öz gözlərimlə görməyincə inanmayacağam” 

Qeyd edək ki, dekabrda keçiriləcək qarşılaşma Mayamidə təşkil olunacaq ki, bu da futbol ictimaiyyətində və oyunçular arasında narazılıq doğurub, hətta etiraz aksiyasına səbəb olub.

Əlavə edək ki, bu gün “Atletiko” öz meydanında “Osasuna” ilə qarşılaşacaq. Oyun Bakı vaxtı ilə saat 23:00-da başlayacaq. Hazırda “Atletiko” La Liqa cədvəlində 6-cı pillədə qərarlaşıb.