“Atletiko”ya bir qol bəs etdi

İspaniya La Liqasının IX turu çərçivəsində Madrid “Atletiko”su öz meydanında “Osasuna”nı qəbul edib.

90deqiqe.Az-ın məlumatına görə, “Civitas Metropolitano” stadionunda keçirilən görüş paytaxt təmsilçisinin 1:0 hesablı qələbəsi ilə yekunlaşıb.

Oyunun yeganə qoluna 69-cu dəqiqədə Tyaqo Almada imza atıb.

Bu qələbədən sonra “Atletiko” xallarının sayını 16-ya çatdıraraq turnir cədvəlində 4-cü pilləyə yüksəlib. 10 xalı olan Pamplona təmsilçisi “Osasuna” isə 12-ci yerdə qərarlaşıb.

Qeyd edək ki, növbəti turda “Atletiko” oktyabrın 27-də səfərdə “Betis”lə qarşılaşacaq, “Osasuna” isə bir gün əvvəl evdə “Selta”nı qəbul edəcək.