"Real Madrid"in sabiq futbolçusu insult keçirib

Madrid “Real”ının və “Alaniya” klubunun sabiq futbolçusu Rojston Drente insult keçirib.

90deqiqe.Az-ın məlumatına görə, bu barədə Niderlandın “De Rebellen” klubunun mətbuat xidməti məlumat yayıb.

Bildirilib ki, 38 yaşlı sabiq futbolçu cümə günü səhhətində narahatlıq hiss etdikdən sonra xəstəxanaya yerləşdirilib. Həkimlər tərəfindən ona dərhal tibbi yardım göstərilib və hazırda Drente mütəxəssislərin nəzarəti altındadır.

Rojston Drente futbolçu karyerası ərzində “Real Madrid”in heyətində İspaniya çempionu adını qazanıb. O, 2013-cü ildə “Alaniya” klubunun formasını geyinib, Rusiya Premyer Liqasında 6 oyunda 3 qola imza atıb.