“Ümid edirik Rafinya və Ferran Torres ‘El Klassiko’da oynaya biləcək”

"Barselona”nın baş məşqçisi Hans-Diter Flik komandanın oyunçularının sağlamlıq vəziyyəti barədə açıqlama verib.

90deqiqe.Az-ın məlumatına görə, almaniyalı mütəxəssis ümid edir ki, Rafinya və Ferran Torres növbəti “El Klassiko”da “Real”a qarşı meydana çıxa biləcəklər.

“Ümid edirik ki, Torres ‘El Klassiko’da oynaya biləcək. Rafinya üçün də eyni ümidimiz var. Torres yığmadan qayıdanda vəziyyət bir qədər mürəkkəb idi. Bu kritik deyil, amma risk etmək olmaz. Əgər Ferran sabah oynasa, bu risk olardı. Cümə axşamı Ferran yeni testlərdən keçəcək və bərpa prosesinin necə getdiyini görəcəyik. Hazırda ən önəmlisi oyunçularımızı qorumaqdır.”

Qeyd edək ki, “Barselona” çərşənbə axşamı Çempionlar Liqasında “Olimpiakos”la ev oyununa çıxacaq.