“Real Madrid" televiziyası hakimlərə təzyiq göstərir”

“Barselona” klubunun prezidenti Joan Laporta “Real Madrid”lə La Liqanın 10-cu turunda (26 oktyabr) keçiriləcək qarşılaşma ərəfəsində hakimlərə təzyiq göstərildiyini bildirib.

90deqiqe.Az “Marca” nəşrinə istinadən xəbər verir ki, funksionerin sözlərinə görə, Madrid klubuna məxsus televiziya kanalı “kral klubu”nun zərərinə olan hakim səhvlərini analiz edən videolar paylaşaraq oyunöncəsi gərginlik yaradır:

“Gəlin, əla bir oyuna köklənək. Hamımız inanırıq ki, komandamız bizi sevindirəcək. Rəqibimiz isə meydandan kənarda, hakimlər ətrafında gərgin atmosfer formalaşdırıb. Onların televiziya fəaliyyəti hakimlərə təsir göstərir — belə strategiya ilə qalib gəlmək düzgün deyil. Onlar iddia edə bilməzlər ki, hakimlər onlara qarşıdır və ya ‘Barselona’ya üstünlük verir. Biz özümüzü qurban kimi göstərmirik və ‘Santyaqo Bernabeu’da bir daha qələbə qazanmağa çalışacağıq”