İspaniya La Liqasında 4-cü turun oyunları keçirilir.
Corner.az xəbər verir ki, Avropa Liqasının qrup mərhələsində Azərbaycan çempionu “Qarabağ”ın rəqibi olan “Sevilya” da növbəti oyununa çıxıb.
Sözügedən kollektiv səfərdə “Alaves”lə üz-üzə gəlib. Ağdam klubunun rəqibi bu görüşdən qələbə ilə ayrılıb – 1:0.
“Sevilya” bu qələbədən sonra hazırda 10 xalla zirvədə qərarlaşıb.
Qeyd edək ki, “Sevilya” ilə “Qarabağ” arasındakı ilk oyun sentyabrın 19-da Bakıda baş tutacaq, cavab görüşü isə noyabrın 28-də İspaniyada keçiriləcək.
