“Real”ın yeni transferi məşqləri müvəqqəti dayandırdı

“Real”ın yeni futbolçusu Franko Mastantuono zədədən sonra bərpa prosesini davam etdirir.

90deqiqe.Az “Marca”ya istinadən xəbər verir ki, argentinalı yarımmüdafiəçi hazırda məşqlərini müvəqqəti olaraq dayandırıb.

Daha əvvəl 18 yaşlı futbolçunun qasıq nahiyəsində ağrılar hiss etdiyi bildirilmişdi.

Qeyd edək ki, Mastantuono cari ilin yayında “Real”a transfer olunub. Yarımmüdafiəçi Argentina təmsilçisi “River Pleyt”dən Madrid klubuna 45 milyon avroya keçib.

Bu mövsüm gənc oyunçu Madrid nəhənginin heyətində 12 matçda iştirak edib, bir qol və bir məhsuldar ötürmə ilə yadda qalıb.