Real'da növbəti itki

Çempionlar Liqasının qrup mərhələsinin I turunda PSJ ilə qarşılaşacaq "Real"ın daha bir futbolçusu sıradan çıxıb.

Corner.az-ın xarici mətbuata istinadən məlumatına görə, Madrid klubunun müdafiəçisi Marselo səfər oyununda komandasına kömək edə bilməyəcək.

Buna səbəb 31 yaşlı futbolçunun La Liqanın IV turunda "Levante" ilə matçda kürək nahiyəsindən zədələnməsi olub. Buna görə  baş məşqçi Zinəddin Zidan təcrübəli futbolçunu heyətə daxil etməyib. Marselo ilə yanaşı, Luka Modriç də zədə səbəbindən Parisdəki qarşılaşmada iştirak etməyəcək.

Qeyd edək ki, PSJ - "Real" oyunu sentyabrın 18-də keçiriləcək.