Nadal “Real Madrid” prezidentliyi barədə fikirlərini açıqladı

22 dəfə “Böyük Dəbilqə” qalibi və sabiq dünya birincisi tennisçi Rafael Nadal “Real” klubunun prezidenti olmaq imkanına münasibət bildirib.  

90deqiqe.Az-ın məlumatına görə, "Mundo Deportivo" ispaniyalı tennisçinin dediklərini belə çatdırıb.

“‘Real’ın ən yaxşı prezidenti var, ona yeni prezident lazım deyil. Gələcəkdə nə olacağını heç kim bilmir. Prinsipcə, bəli, istərdim — niyə də yox? Bu, gözəl və həyəcanverici bir çağırışdır. Əvvəla özümü buna hazır hiss etməliyəm. İstərdimmi? Ola bilsin, bəli. Bu o deməkdirmi ki, bir gün bunu nəzərdən keçirə bilərəm? Bilmirəm — bu uzaq və çətin bir məqsəddir, amma heç vaxt dəqiq demək olmaz”

Qeyd edək ki, Nadal klubun böyük azarkeşi kimi tanınır.