Üç futbolçu Xabi Alonsonun idarəçiliyindən məmnun deyil - “Real”da narazılıq

Madrid “Real”ının üç futbolçusu baş məşqçi Xabi Alonsonun komandanı idarəetmə tərzindən narazıdır.

90deqiqe.Az-ın "COPE"yə istinadən məlumatına görə, siyahıda müdafiəçi Ferlan Mendi, hücumçular Rodriqo və Endrik yer alır. Söhbət az oynama vaxtı alan və tez-tez transfer şayiələrinin mərkəzinə düşən oyunçulardan gedir.

Artan narazılıq bu üç futbolçunun yanvarda gözləniləndən daha aşağı məbləğə komandadan ayrılmasına səbəb ola bilər. Daha əvvəl mətbuatda Endrikin yüksək ehtimalla qış pəncərəsində icarə əsasında “Lion”a göndəriləcəyi bildirilib.

Qeyd edək ki, “Real” çərşənbə günü Çempionlar Liqasının qonaq matçında “Olimpiakos”la qarşılaşacaq.