"Biz birlikdə titullar qazanmağa çalışırıq"

"Real"ın hücumçusu Kilian Mbappe komandasının ətrafında yayılmağa başlayan neqativ şayiələrə münasibət bildirib.

90deqiqe.Az xəbər verir ki, jurnalist Fabrisio Romano fransalı futbolçunun dediklərini belə çatdırıb.

“Gəmidə fırtınalar ola bilər... amma heç kim gəmidən atlamayacaq. Biz hamımız birlikdəyik, bu il titul qazanmaq üçün çalışırıq”

"Real" Çempionlar Liqasının ümumi mərhələsinin 5-ci turunda Yunanıstanın "Olimpiakos"unu 4:3 hesabı ilə məğlub edib. Bu qarşılaşmada bütün qolları Mbappe vurub.

Cari mövsümdə 26 yaşlı fransız futbolçu 18 matçda 22 qol vurub və 3 məhsuldar ötürmə qeydə alıb. "Real" növbəti matçını 30 noyabrda keçirəcək, rəqib isə "Jirona" olacaq.