- İspaniya L.L.
- 21:57 28.06.2026
“Barselona”nın yarımmüdafiəçisi Fermin Lopes yaxın vaxtlarda komandasına kömək edə bilməyəcək.
90deqiqe.Az klubun rəsmi saytına istinadən xəbər verir ki, ispaniyalı oyunçu sağ baldır əzələsini zədələyib.
Təxminən bərpa müddəti 14 gündür. Bu səbəbdən Lopes La Liqada “Alaves”, “Atletiko” (Madrid) və “Betis”lə oyunları, həmçinin Çempionlar Liqasının “Ayntraxt” qarşılaşmasını buraxacaq.
Fermin Lopes “Barselona”da 2023-cü ilin yayından çıxış edir. Bu mövsüm 22 yaşlı yarımmüdafiəçi 13 oyunda 7 qol vurub və 4 məhsuldar ötürmə edib.
