“Bir fincanı belə tuta bilmirəm”

Polşalı qapıçı Voyçex Şesni 2008-ci ildə “Arsenal”da çıxış etdiyi dövrdə aldığı ciddi travmanın nəticələrini bu gün də yaşadığını etiraf edib.

90deqiqe.Az-ın "Derbyderbyderby.it"ə istinadən məlumatına görə, 35 yaşlı qolkiper bildirib ki, bəzən ağrı və hissiyyat itkisi yenidən özünü göstərir:

“Elə anlar olur ki, əlim ağrıyır və hissiyyat itir. Hətta fincanı tutmaq belə çətinləşir.”

Qeyd edək ki, həmin vaxt qolkiper zədə səbəbindən əməliyyat olunmuş, əlindəki sümüklərin birləşdirilməsi üçün iki metal plastina yerləşdirilmişdi.

Hazırda polşalı qapıçı “Barselona”nın formasını geyinir. O, bundan əvvəl İtaliyada “Yuventus” və “Roma” komandalarında çıxış edib.