“Espanyol” son dəqiqə qolu ilə “Selta”nı məğlub etdi

İspaniya La Liqasının 14-cü turunda “Selta” və “Espanyol” qarşılaşıb.

90deqiqe.Az-ın məlumatına görə, oyun çox da fəal keçməsə də, son dəqiqələrdə qonaqlar qələbəni təmin edə biliblər.

Uğur “Espanyol”a künc zərbəsindən gəlib. Kike Qarsiya yaxın dirəyə edilən ötürmədə topa başı ilə toxunaraq, qapıçının müdafiəsinə baxmayaraq topu qapıya göndərib. Matçın yekun nəticəsi 0:1 olub.

Bu qələbə “Espanyol”un ardıcıl ikinci qələbəsi olub və komanda La Liqa cədvəlində 6-cı pillədə qərarlaşıb. “Betis”dən geri qalması yalnız əlavə göstəricilərlə ölçülür. “Selta” isə 12-ci sıradadır.