Kilian Mbappe 60-cı qolunu vurdu

“Real”ın hücumçusu Kilian Mbappe bu il üçün 60-cı qolunu qeyd edib.

90deqiqe.Az-ın məlumatına görə, fransız futbolçunun bu nailiyyəti La Liqa matçında “Jirona”ya qarşı 67-ci dəqiqədə vurduğu penalti sayəsində baş verib. Mbappenin qolu “Real”ı məğlubiyyətdən xilas edib – 1:1.

Cari mövsümdə Kilian Mbappe Madrid klubunun heyətində 19 oyunda 23 dəfə fərqlənib. Bu nəticə ilə “Real” La Liqa cədvəlində liderliyini bərpa edə bilməyib və birinci pillədə 34 xalla “Barselona” qərarlaşıb – Madrid təmsilçisindən bir xal üstünlüyə malikdir.

3 dekabrda Habi Alonso rəhbərliyindəki “Real” səfərdə “Atletik” Bilyao ilə üz-üzə gələcək.