“Məqsədim sadəcə oyuna fokuslanmaqdır”

“Barselona”nın futbolçusu Lamin Yamal uzunmüddətli məqsəd qoymadığını etiraf edib.  

90deqiqe.Az xəbər verir ki, "The Touchline" 18 yaşlı futbolçunun dediklərini belə çatdırıb.

“Hər şey insanlardan və onların gözləntilərindən asılıdır. Ola bilər ki, bəziləri mənim üçün çox yüksək və ya çox aşağı gözləntilərə sahibdir. Mənim isə heç bir gözləntim yoxdur – sadəcə oyuna fokuslanıram. Düşünürəm ki, gözləntilər adətən heç nəyə gətirib çıxarmır: onları doğrultsan, sanki artıq məqsədin qalmır, doğrultmasan, məyus olursan”

Gənc hücumçu uzun müddət yeni Lionel Messi kimi təqdim olunub və kataloniyalıların gələcək ümidlərindən biri hesab edilir.

Cari mövsümdə Yamal “Barselona” üçün 14 oyunda 7 qol vurub və 9 məhsuldar ötürmə edib.