“Məqsədim rekordlar deyil, oyundan zövq almaqdır”

“Barselona”nın hücumçusu Lamin Yamal fərdi nailiyyətlər və statistikaya çox əhəmiyyət vermədiyini açıqlayıb.

90deqiqe.Az-ın məlumatına görə, gənc ispaniyalı futbolçu bildirib ki, əsas hədəfi meydanda zövq almaqdır.

“Mən rekord qırmaq, milyonlarla qol vurmaq və ya milyonlarla oyun keçirmək üçün çalışmıram. Məqsədim oyundan zövq almaqdır – ümid edirəm ki, müasir uşaqlar mənim nümunəmi izləyəcək”, – deyə Yamal müsahibəsində bildirib.

18 yaşlı futbolçu “Barselona” üçün bütün turnirlərdə 120 oyuna çıxıb, 32 qol vurub və 43 məhsuldar ötürmə edib. İspaniya milli komandasında isə 23 matçda 6 qol və 12 məhsuldar ötürmə ilə yadda qalıb.