“Barselona” üzərində təzyiq ötən mövsümlə eyni səviyyədədir"

“Barselona”nın baş məşqçisi Hans-Diter Flik bu mövsüm İspaniya çempionatında komandası üzərindəki psixoloji təzyiqdən danışıb.

90deqiqe.Az xəbər verir ki, "Mundo Deportivo" alman çalışdırıcının dediklərini belə çatdırıb.

“Biz eyni təzyiq altındayıq, hansı ki, keçən mövsüm də vardı. Artıq demişdik ki, bu mövsüm daha çətin olacaq, çünki çempionu məğlub etmək hər kəsin istəyidir. Hazırda birinci yerdəyik, amma oyunumuz ən yaxşı səviyyədə deyil”

14 turdan sonra kataloniyalılar 34 xalla turnir cədvəlinin lideri mövqeyindədir. “Barselona” Madrid “Real”ından yalnız bir xal öndədir. 15-ci turda Flikin komandası Madrid “Atletiko”su ilə qarşılaşacaq.