"Heç-heçə seriyasına son qoymaq istəyirdik"

Madridin “Real” klubunun baş məşqçisi Xabi Alonso La Liqanın 19-cu turunda “Atletik” üzərində qazanılan əmin qələbə barədə danışıb.

90deqiqe.Az-ın məlumatına görə, təcrübəli çalışdırıcı bu barədə klubun rəsmi saytına açıqlamasında bildirib.

"Bu, “Real” üçün vacib oyun idi. Biz heç-heçə seriyasını qırmaq istəyirdik. Yaxşı futbol nümayiş etdirdik və bəlkə də bu, indiyədək göstərdiyimiz ən tam oyun idi. Amma biz irəliləməyə davam etməliyik".

Matç 3:0 hesabı ilə qonaqların xeyrinə başa çatıb. Qolları Eduardu Kamavinga və Kilian Mbappe (dubllə) vurub. Hazırda “Real” 14 oyundan sonra 36 xalla La Liqa cədvəlində ikinci pillədədir.