Vinisius ilə Xabi Alonso arasında gərginlik aradan qalxdı

“Real”da Vinisius Juniorla baş məşqçi Xabi Alonso arasında əvvəlcədən müzakirə olunan narazılıqlar artıq geridə qalıb.

90deqiqe.Az xəbər verir ki, bu barədə "AS" nəşri məlumat yayıb.

Məlumata görə, Madrid klubunun son üç qarşılaşmasında Vinisius Kilian Mbappe ilə ikinci hücumçu kimi çıxış edib. Bu rol braziliyalı futbolçunu bir sıra müdafiə öhdəliklərindən azad edib və oyunçu öz mövqeyinin statusuna daha uyğun olduğunu hiss edir.

“Vinisius yenidən öz oyun tərzinin sistemə ideal uyğun gəldiyini düşünür”, – deyə məlumatda qeyd olunur.

Bilbaodakı oyundan sonra Vinisiusla Xabi Alonsonun səmimi şəkildə qucaqlaşması da tərəflər arasında problemin qalmadığını göstərib. Bu vəziyyət “Real”ın futbolçu ilə yeni müqavilə danışıqlarını da asanlaşdıracaq.

Xatırladaq ki, Vinisiusun klubla müqaviləsi 2027-ci ilin yayına kimi qüvvədədir.