Lamin Yamal noyabrın ən yaxşı futbolçusu seçildi

“Barselona”nın hücumçusu Lamin Yamal İspaniya La Liqasının noyabr ayının ən yaxşı oyunçusu seçilib.

90deqiqe.Az xəbər verir ki, bu barədə Kataloniya klubu rəsmi "X" (keçmiş "Twitter") hesabında məlumat yayıb.

Noyabr ayında “Barselona” La Liqa çərçivəsində “Elçe”ni (3:1), “Selta”nı (4:2), “Atletik” Bilbaonu (4:0) və “Alaves”i (3:1) məğlub edib. Yamal bu görüşlərdə 3 qol vurub və 3 məhsuldar ötürmə edib.

Qeyd edək ki, bundan əvvəl iki ay ardıcıl olaraq La Liqanın ən yaxşı futbolçusu “Real”ın hücumçusu Kilian Mbappe seçilirdi. Bu mövsümdə Lamin Yamal 15 matçda iştirak edib və 7 qol + 7 assistlə yadda qalıb.