“Bilbao matçındakı səviyyəni qorumaq istəyirik”

“Real”ın baş məşqçisi Xabi Alonso La Liqa çərçivəsində “Selta” ilə qarşıdakı oyunu şərh edib. 

90deqiqe.Az xəbər verir ki, təcrübəli çalışdırıcı bu barədə jurnalistlərə açıqlamasında bildirib.

“Mən tam və keyfiyyətli ‘Real’ görmək istəyirəm. Bilbaodakı oyunda hiss etdiyimiz yaxşı anları təkrarlamalı və davam etdirməliyik. Bunun üzərində danışdıq və çalışdıq. ‘Atletik’lə matç dönüş nöqtəsi oldu? Bəli, yaxşı və tam oyundu. İndi məqsədimiz davam etməkdir. Daha çox oyunu qazanmalıyıq ki, mümkün qədər yuxarı pillədə olaq. Aprel-may aylarında isə olduğumuz yerdə olmaq istəyirik”, – Alonso bildirib.

Qeyd edək ki, “Real” – “Selta” oyunu 7 dekabr Bakı vaxtı ilə saat 00:00-da start götürəcək.