Mbappe “Real” – “Selta” matçında barmağını qırdı

“Real”ın hücumçusu Kilian Mbappe sol əlinin üzük barmağını qırıb.

90deqiqe.Az-ın "AS"a istinadən məlumatına görə, bu, La Liqanın XV turunda “Selta”ya qarşı 0:2 hesablı məğlubiyyət zamanı baş verib. Fansalı hücumçu matç ərzində xəsarət almasına baxmayaraq, görüşü sona qədər davam etdirib.

Məlumata görə, Mbappe dekabrın 10-da Çempionlar Liqasının VI turu çərçivəsində “Mançester Siti” ilə keçiriləcək oyunda meydana çıxa biləcək.

Qeyd edək ki, “Real”ın müdafiəçisi Eder Militao da “Selta” ilə matçda xəsarət alıb.

Cari mövsümdə Mbappe həm klub, həm də milli komandada 25 görüşdə 30 qol vurub və 7 məhsuldar ötürmə edib.