Rodriqo 33 oyundan sonra qol həsrətinə son qoydu

“Real”ın vingeri Rodriqo Qoes uzun müddət davam edən qol seriyasına son qoyub.

90deqiqe.Az-ın məlumatına görə, braziliyalı futbolçu UEFA Çempionlar Liqasının 2025/2026 mövsümünün ümumi mərhələsinin VI turunda “Mançester Siti” ilə keçirilən matçda fərqlənib. Qarşılaşmanın 28-ci dəqiqəsində Rodriqo hesabı açaraq “kral klubu”nu önə çıxarıb.

Bu, Rodriqonun “Real” forması ilə 33 oyundan sonra vurduğu ilk qol olub. Sonuncu dəfə o, 4 mart tarixində Madrid derbisində “Atletiko”ya qarşı keçirilən oyunda (2:1) fərqlənmişdi.

Cari mövsümdə 24 yaşlı hücumçu bütün turnirlərdə 19 matçda meydana çıxıb, 1 qol və 2 məhsuldar ötürmə ilə yadda qalıb. Futbolçunun Madrid klubu ilə müqaviləsi 2028-ci ilin yayına qədər qüvvədədir. “Transfermarkt” portalına əsasən Rodriqonun bazar dəyəri 80 milyon avro təşkil edir.