Arbeloa “Real”dakı mümkün təyinatla bağlı danışdı

 “Real”ın sabiq müdafiəçisi Alvaro Arbelonun “kral klubu”nun baş məşqçisi postuna namizəd olduğu barədə yayılan xəbərlərə mütəxəssisin özü münasibət bildirib.

90deqiqe.Az-ın "Cadena SER"ə istinadən məlumatına görə, ispaniyalı mütəxəssis hazırkı vəzifəsindən kənar heç bir variantı nəzərdən keçirmədiyini deyib:

“Mən "Kastilya"nın məşqçisiyəm və bütün diqqətim buradadır. Mənim üçün başqa heç nə yoxdur”, – deyə Arbeloa bildirib.

Madrid klubu La Liqanın 15-ci turunda “Alaveş”lə oyunda qalib gələ bilməsə, Alvaro Arbeloa baş məşqçi postunda Xabi Alonsonu əvəzləyə biləcəyi ilə bağllı iddialar yayılıb.

Qarşılaşma dekabrın 14-də baş tutacaq.

Hazırda “Real” La Liqada 36 xalla turnir cədvəlinin ikinci pilləsində qərarlaşıb.