“Real” müdafiəçisini kubok matçına aparmadı

“Real” İspaniya Kubokunun 1/16 final mərhələsində üçüncü divizion təmsilçisi “Talavera-de-la-Reyna” ilə keçirəcəyi oyun öncəsi komandanın müdafiəçisi Raul Asensionun heyətə daxil edilmədiyini açıqlayıb.

90deqiqe.Az-ın məlumatına görə, bu barədə klubun mətbuat xidməti məlumat yayıb.

“Raul Asensio bədən hərarətinin yüksək olması səbəbindən bu gün İspaniya Kuboku çərçivəsində ‘Talavera-de-la-Reyna’ya qarşı keçiriləcək matçın heyətinə daxil edilməyib”, – deyə klubun mətbuat xidməti qeyd edib.

Cari mövsümdə futbolçu Madrid təmsilçisinin heyətində bütün turnirlər üzrə 16 oyunda (onlardan altısında sonradan meydana daxil olmaqla) iştirak edib və məhsuldar göstərici ilə yadda qalmayıb.