Mbappe Ronaldonun rekorduna yaxınlaşdı

Fransalı hücumçu Kilian Mbappe 2025-ci ildə “Real Madrid”in heyətində 58-ci qolunu vurub.

90deqiqe.Az-ın məlumatına görə, futbolçu İspaniya Kral Kubokunda “Talavera-de-la-Reyna” ilə keçirilən və 3:2 hesabı ilə başa çatan qarşılaşmada dubl edib.

Beləliklə, Mbappe “Real Madrid”in heyətində bir təqvim ili ərzində vurulan qollar üzrə Kriştiano Ronaldonun rekorduna bir addım yaxınlaşıb. Portuqaliyalı ulduz 2013-cü ildə “kral klubu”nun heyətində 59 qol vurmuşdu.

Qeyd edək ki, 2025-ci ilin sonuna qədər “Real Madrid” daha bir oyun keçirəcək. Madrid təmsilçisi La Liqada “Sevilya” ilə üz-üzə gələcək.

Xatırladaq ki, Kilian Mbappe 2024-cü ildən “Real Madrid”in formasını geyinir. Futbolçunun klubla müqaviləsi 2029-cu ilə qədər qüvvədədir. Cari mövsümdə fransalı hücumçu bütün turnirlər üzrə 26 matçda iştirak edib, 29 qol və dörd məhsuldar ötürmə ilə yadda qalıb.