“Atletiko” çətin qələbə ilə növbəti mərhələdə

İspaniya Kubokunun 2025/2026 mövsümünün 1/16 final mərhələsində ölkənin dördüncü liqasında çıxış edən “Atletiko Baleares” komandası ilə Madrid “Atletiko”su qarşılaşıb.

90deqiqe.Az-ın məlumatına görə, görüşdə 3:2 hesabı ilə paytaxt təmsilçisi qələbə qazanıb.

Matçın 16-cı dəqiqəsində hücumçu Antuan Qrizmann qonaqları hesabda irəli çıxarıb. 20-ci dəqiqədə Cakomo Raspadori fərqi iki topa çatdırıb. 28-ci dəqiqədə yarımmüdafiəçi Xerardo Bonet “Atletiko Baleares”in hesabdakı fərqi azaltmasına nail olub.

İkinci hissədə, 72-ci dəqiqədə Antuan Qrizmann dublunu rəsmiləşdirib. 80-ci dəqiqədə meydan sahiblərinin hücumçusu Xaume Tovar penalti zərbəsini dəqiq yerinə yetirə bilməyib. Qarşılaşmanın 90-cı dəqiqəsində isə Moha Keyta hesabdakı fərqi azaldıb.

Beləliklə, “Atletiko Baleares” İspaniya Kuboku – 2025/2026 turniri ilə vidalaşıb. Madrid “Atletiko”su isə növbəti mərhələyə yüksəlib.