"Barselona" heyətini mərkəz müdafiəçisi ilə gücləndirmək istəyir

“Barselona” qış transfer pəncərəsində müdafiənin mərkəzini gücləndirməyə çalışacaq.

90deqiqe.Az-ın məlumatına görə, kataloniyalılar bu mövqedə böyük bir transfer həyata keçirməyi planlaşdırmırlar və ehtimal ki, icarə variantı üzərində dayanacaqlar.

Xatırladaq ki, Andreas Kristensen sol dizində ön xaç bağlarının qismən qopması səbəbindən təxminən dörd ay meydandan kənarda qalacaq.

Hazırda “Barselona” İspaniya La Liqasında 46 xal toplayaraq turnir cədvəlinin zirvəsində qərarlaşıb. UEFA Çempionlar Liqasında isə komanda 10 xal ilə ümumi cədvəldə 15-ci pillədə yer alır.