“Real” Niko Pası geri qaytaracaq

İspaniyanın “Real” klubu yayda “Komо”nun yarımmüdafiəçisi Niko Pasın transfer hüququnu alacaq.

90deqiqe.Az-ın "AS"a istinadən məlumatına görə, Madrid təmsilçisi akademiyasının yetirməsini 9 milyon avroya geri qaytara biləcək və digər klublar bu transfer prosesinə müdaxilə edə bilməyəcək. İspaniya nəhəngi futbolçunu yenidən satmaq niyyətində deyil.

Argentinalı futbolçu 2024-cü ilin yayında “Real”dan “Komо”ya keçib. Cari mövsümdə Pas bütün turnirlər üzrə 16 oyunda iştirak edib, 5 qol vurub və 5 məhsuldar ötürmə edib. Onun Komо ilə müqaviləsi 2028-ci ilin yayına qədər qüvvədədir və Transfermarkt-ın məlumatına görə, bazar dəyəri 65 milyon avrodur.