"Barselona" məni tamamilə dəyişdirdi"

“Barselona”nın baş məşqçisi Hans-Diter Flik komandadakı işindən danışıb.  

90deqiqe.Az xəbər verir ki, "Managing Barca" təcrübəli çalışdırıcının dediklərini belə çatdırıb.

“Barselona” məni tamamilə dəyişdi. Mən bu klubu və ona bağlı insanları sevirəm. Bizim əsas məqsədimiz düzgün atmosfer yaratmaqdır ki, oyunçular inkişaf edə bilsin. Mən məhz buna fokuslanmışam. Komanda azarkeşlərə səbəb verir ki, stadionlara gəlsin və hər oyunu səbirsizliklə gözləsin.”

Almaniyalı mütəxəssis katalon klubunda ikinci mövsümünü keçirir. Ötən mövsüm “mavi-qranatlılar” İspaniyada bütün titul və kubokları qazanıblar.

Hazırda “Barselona” La Liqa cədvəlində liderdir və "Real" klubunu dörd xal qabaqlayır.